Vawinga a champion tawhna Madrid Open-ah kumin bak inlan theih a inbeisei tawh lo a, a vawirukna tura title a beisei leh mekna kawngah Rafael Nadal chuan Inrinni khan Australian Alex de Minaur laka straight-set hnehna changin third round a lut.
Ni 10 liamta mai khan Barcelona Open atangin Alex de Minaur chuan Spaniard hi a lo hnawtchhuak tawh a, tuntumah erawh kum 37 mi hian phuba lain 7-6 (8-6) 6-3 hnehna a chang.
Vawiina Nadal-a tum leh tur Argentine Pedro Cachin chuan second round inkhel dangah 7-6 (7-1) 3-6 6-4-in American 20th seed Frances Tiafoe a hneh ve bawk.
British number one Cameron Norrie pawhin inkhel dangah 6-1 6-4 nuamsain Brazil player Joao Fonseca a sawp a, Norwegian fifth seed Casper Ruud a tum leh dawn a, Ruud hi 6-4 6-1-a Miomir Kecmanovic hnehtu a ni.
Italian world number two Jannik Sinner leh Russian third seed Daniil Medvedev pawh third round lut zingah an tel.
Kum 22 mi Australian Open champion Sinner hian a chipui Lorenzo Sonego lakah 6-0 6-3 hnehna nuamsa changin, Medvedev erawh set hmasaber hloh zet chungin Italy player Matteo Arnaldi lakah 2-6 6-4 6-4 hnehna a changlet.
April thlatir lama Monte Carlo lama champion Greek sixth seed Stefanos Tsitsipas erawh 6-4 6-4-in Brazil player Thiago Monteiro lakah a tlawm thung.
Madrid clay-ah Nadal tlo phian!
