Mahni in chhungah Mt. Everest san zawng lawn chhuakin record siam
Sean Greasley record siam dan hi a danglam ve khawp mai, an in chhunga leihlawnah lawn nawn char charin, Mount Everest san zawng, meter 8,848.86 tluka sang a lawn chhuak a, chu pawh darkar 23 chhung lekin. Guinness World Records chuan leihlawn a Mt. Everest san zawng lawn chhuak rang ber title an hlan ta a ni.
Greasley hian rilru hriselna lama thawktu pawl American Foundation for Suicide Prevention te tana sumtuak nan tiin he record siam tum hian a bei a, a record siam lai hi YouTube-ah a live-stream a, September ni 3 atanga tanin, darkar 22, minute 57 leh second 2 hun hmangin, September ni 4-ah a tawpsan ta a ni.
Greasley chuan, “Hetiang record siam ka tumna chhan chu tuman an la siam ngai loh vang a ni a, suicide prevention tana sumtuak ka duh bawk a, heng thil pahnih hmang hian tum pakhat ka nei ta a ni,” a ti.
Greasley hian an in chhung leihlawna a lawn lai hian a vawn ban vawi khatmah a vuan lo a, GWR guideline-ah chawlh phalsak a ni a, mahse, a chawlh chhung pawhin timer a kal reng tur a ni thung. A ke pen zawng zawng chhin chhiah vek turin software a siam a, a chevel zawng zawng record turin kil hrang hrangah camera a dah vek bawk.
Record siam tuma a beihna, darkar 23 chhung hian a rihna pawh pound 10 (kg 4.53592) a hloh hman a, record a siam meuh chuan a mal, hnungzang leh khup te a kham na hman hle a, a thawmhnaw pawh vawi eng emaw zat a thlak hman a ni.
Mahni in chhungah Mt. Everest san zawng lawn chhuakin record siam
