Iranian Kurdish hmeichhia Mahsa Amini, police-te kuta a awm laia thi chu a thih hnuaah rights prize award France a dawng tura a chhungte kal tur chu dan an nih thu a lawyer-in a sawi.
September 16, 2022 khan kum 22 mi lek niin Amini chu Iran-a religious police-te kutah hmeichhiate inchei dan tur khauh tak a bawhchhia tia mana a awm laiin a thi a ni.
A chhungte chuan thah a ni an ti a. Iran thuneitute chuan damlohna avanga thi an ti ve thung.
October thla khan European Union chuan a thih hnuah Mahsa Amini hnenah top rights award Sakharov Prize dawng turin a lo thlang tawh a ni.
France-a an chhungkaw lawyer Chirinne Ardakani chuan Amini nu leh pa leh a unaupa chu Sakharov Prize dawng tura thlawhna an chuang tur chu an dang a ni, a ti.
Visa engkim an nei a, passport pawh an nei fel vek chungin Iran an chhuahsan remtih sak an ni lo va, an document te pawh mansak an ni a ti bawk.
Ardakani chuan Iranian thuneitute chu tun ang renga a tuartu chhungkua tena international community te hnena an tawng chhuah tur an dan a la awm lo, a ti bawk a.
Amini thihna khan global movemet “Woman, Life, Freedom” thlenin Iran chu hmeichhiate lukhuh vek tura an tihna chu hnawl tawh turin an nawr a ni.
Amini thih hnuah Iran-ah buaina nasa tak chhuakin Iranian security forces te chuan mi za tel tehmeuh tihlumin mi tam tak chung lungawilohnaa inhnamhnawih a tih te chu a khaihlum bawk a ni.
“Woman, Life, Freedom” campaign erawh khawvel hmun tinah kalpui chhunzawm zel niin lungawilohna lantirna a piangin Amini thlalak chu langsar taka phochhuahin a awm thin.
Sakharov prize hian sum fai 50,000 euro keng telin ruahman ang chuan December 13-ah European Parliament ceremony a pek tur a ni.
Mahsa Amini chhungte Iran-in dang bet
