US-a thlaichin lam zirtirtu hnathawk, Anoka, Minnesota a cheng, Travis Gienger chuan mai (pumpkin) lian zet mai a thar a, a mai thar hi tonne 1.247 (kg 1,247) a rit niin, Guinness World Record a siam. Travis hian Safeway 50th annual World Championship Pumpkin Weigh-Off, Half Moon Bay, California-a a neihah a mai thar hi a entir a, lawmman pakhatna a la chiang hle a ni.
Travis hi horticulture teacher niin, mai lian chinah a mikhual tawh lo hle a, kum 30 vel zet chu hetiang lam hi a lo tuipui tawh a, nikum pawh khan US-a record siam thei khawpa mai lian a lo thar tawh a, kuminah chuan world record a siam ta a ni.
Travis hian a in hnung lama chuktuah huanah mai hi a ching hi, a enkawl uluk hle a, nikhatah tui vawi 12 te a pe thin a, thla tana chaw tha chi hrang hrang a pe reng bawk a ni.
Travis chuan a pa pawh mai lian chin lama tui a nih thu sawiin, a pa a chhun niin a insawi a, heng mai lian tak tak a chin hian record a siam kher loh pawhin miten an hmuh a an hlim hmel chu hmuhnawm a ti a, chu chu a lawmmawm hlu tak ni a a hriat thu sawiin, mai lian chin lama phurna petu pakhat a nih thu a sawi bawk.
He mai lian entirnaah hian Travis hian record a siam a ni satliah mai lo va, lawmman dollar 30,000 a dawng tel bawk. He mai lian hi Half Moon Bay-ah hian mipui en theih turin an la dah rih dawn a ni.
Mai thar lian ber record siam
