Indian National Developmental, Inclusive Alliance (INDIA) chuan December 31 hmain Lok Sabha inthlan atana seat insem dan tur chu tihfel hman an tum a. Hei bakah hian West Bengal Chief Minister leh Trinamool Congress chief Mamata Banerjee chuan Congress president Mallikarjun Kharge chu prime minister atana hmatheh a rawt bawk.
“Dalit Prime Minister hmasa ber a ni thei” tiin Banerjee chuan a sawi niin senior Opposition leader chuan a sawi a.
Delhi Chief Minister leh Aam Admi Party (AAP) convener Arvind Kejriwal-an Congress chief chu Dalit prime ministerial candidate ni tura a thlawp hnuah Kharge chuan a Dalit identity chu a hmatheh ngai lo tiin a chhang tia sawi a ni bawk a.
A hnua press conference neihah Kharge chuan prime ministerial candidate tur chu inthlan zawhah tihfel a ni ang a ti thung a. “A hmasain kan chak a ngai a, chumi hnuah MP ten democratic takin thutlukna an siam ang,” tiin Kharge chuan a sawi thung.
Hei mai bakah hian Banerjee chuan Congress general secretary Priyanka Gandhi Vadra chuan Prime Minister Narendra Modi chu Varanasi-ah khing se tiin a rawt bawk a, thutlukna erawh siam chian a la ni lo thung.
INDIA bloc meeting tum lina hi Delhi-ah neih niin party 28 an tel a, darkar hnih chuang neih niin December 22 ah Parliament Winter Session a Opposition MP rual hnawhchhuah an nih chungchangah press conference neih ni se tih a ni bawk.
INDIA bloc te chuan electronic voting machines (EVMs) ah rinhlelh an neih thu sawi bawkin voter verifiable paper audit trail (VVPAT) slips chu voters te hnenah pek ni tawh se an ti bawk a.
“VVPAT hi box-ah a luh aiin voter te hnenah pek ni se, annin ballot box-ah a mi thlan ngei a vote tih a chin hnuah dah mai se. VPAT slip 100% counting neih ni se” tiin resolution chuan a sawi bawk.
Congress leader Rahul Gandhi chuan EVM ah rinna in nghat em tia zawhna a siam chu tu mahin an chhang lo tia sawi a ni bawk a.
A hnua press conference neihah erawh Bihar Chief Minister Nitish Kumar, Tamil Nadu CM leh DMK chief M.K. Stalin, Rashtriya Janata Dal patriarch Lalu Prasad, Samajwadi Party chief Akhilesh Yadav, Shiv Sena (UBT) chief Uddhav Thackeray, Mamata Banerjee, leh Kejriwal te erawh an in lan ve lo va.
Kharge bakah Congress leader Rahul Gandhi, NCP leader Sharad Pawar, National Conference leader Farooq Abdullah, CPI(M) general secretary Sitaram Yechury, leh CPI general secretary D. Raja erawh an inlan thung.
January 22-a Ram Mandir Ayodhya a hawn tum leh BJP te political narrative sawiin Stalin chuan INDIA bloc chuan narrative hran an neih a ngaih thu a sawi a. Hei bakah hian Stalin chuan tun hnaia Assembly election state thenkhata neiha Congress duhthusam lohna sawiin zirlai zirtur a awm a ni a ti bawk.
Raja pawhin Telangana a Congress te chakna sawiin INDIA bloc chuan livelihood chungchangah narrative hran ruahman a ngai a ti bawk a.
Meeting neihnaah hian a thuphungin Congress, Trinamool, DMK, AAP, JD(U), RJD, Shiv Sena, NCP, CPI(M), JMM leh RJD te chuan seat-sharing ruahmanna siam an remti bawk a.
Trinmool Congress te chuan regional party-te chuan Lok Sabha seat 300 chuangin Congress te an thlawp ang a, mahse, Congress te chuan State heng Uttar Pradesh, Akhielsh Yadav party Samakwadi Party te chakna angah te, Punjab leh Delhi leh West Bengal angah te chuan an insumkar ngam tur a ni a ti bawk a.
Samajwadi Party leader Ram Gopal Yadav chuan Congress te chuan Uttar Pradesh-ah Bahujan Samaj Party te nena inzawm an pawiti lo tia sawi a awm a tih chu Kharge chu ‘thuthang mai mai’ a tihsak thung.
INDIA party tena meeting an neih hma hian Kharge leh Gandhi chuan Sader Uddahv Thackeray, Adiya Thackeray leh Sanjay Raut te bakah CPI(M) genral secvretary Sitaram yechury bakah Mamata Banrjee te a hranpain an inhmuhpui hmasa thung.
Mamata-in PM candidate-ah Kharge rawt
