Mamawh huna a thlawna
koh theih Medical Team din
Hrangturzo bialtu MLA Lalmuanpuia Punte hmalakna in Friends of People chuan East Lungdar-ah mamawh huna a thlawna an koh theih tur mithiam Medical Team an dah.
Medical team-ah hian Dr Ruth Lalthasangpuii, nurse Sawmzeli Renthlei, ANM Zothangluangi, health supervisor C Lalhruaizela leh lirthei khalhtu tur Lalruatsanga an tel a. East Lungdar chu hmunpuiah an hmang dawn. PHC-in an kawlsa ambulance chhawr tangkaiin khaw hrang hrangah a tulna apiangah an kalkual thin ang.
Serchhip district pum atana koh theiha ruahmanna siam ni mah se, East Lungdar RD Block an vil deuh ber dawn a. Damdawi pawh damlote mamawh ang zelin he medical team hian a thlawnin an pe thin dawn. Medical Team din tura sum mamawh hi Oil India Ltd. (OIL) in an CSR Fund atangin an tum ang.
Free medical centre leh free ambulance bultanna hi Thawhlehni khan East Lungdarah neih a ni a, bialtu MLA aiawhin East Lungdar BDO Peter Malsawmtluanga’n a hmanpui.
Mamawh huna a thlawna koh theih Medical Team din
