Mamit-a kawng siam mek ngaihven
BJP Mizoram State joint treasurer Lalremsangi Fanai leh BJP Mamit District hruaitute chuan Inrinni khan state PWD hotute chu Mamit kawng siam mek chungchang an sawipui.
PWD Mamit Division EE chuan Mamit khawchhung kawng siamna atana sum hmuh ang ang daihzai taka hman tum a ni tih a lo hrilh a. Mamit to Sihthiang via Chilui km.31, Mamit to Damparengpui via Khawhnai, Tuirum – km.56, Silsury to Pukzing Vengthar km.32 siam tuma inruahman mek a ni tih a sawi.
Hemi chungchang hi BJP hruaituten central minister Durgadas Uikey-a’n Mamit a tlawh tuma an lo thlen niin, Ministry of Road Transport & Highway-ah pawh ziaka an thlen tawh a ni a, BJP State hruaitute nen an bawhzuina kalzela a hlawhtlinna hmuh a ni dawn ta chu sawrkar laipui leh state sawrkar chungah an lawm tih an sawi a ni.
BJP State joint treasurer hian, Mamit kawng siamtu company – Sumati Infrastructure Pvt Ltd project manager hmu in, Aizawl atanga Mamit luh dawna an hnathawh mekah mipui thawh theih chi hna awm chu tualchhungmite duhsak chungin tha taka hna thawh mek a ni tih a lo hrilh a ni.
Lengte peng pelh atanga Mamit kawng siamna tur tender mekah tha taka hna thawk thei tur sawrkarin a thlan ngei an tih a sawi a. BJP Mizoram chuan aspirational district – Mamit district hmasawnna chak taka a kal theihnan an ngaihven reng dawn tih a sawi bawk.
Mamit-a kawng siam mek ngaihven
