Village Council (VC) inthlan atan candidate turte an chiang tawh a, Mamit District-ah candidate an tam ber.
State Election Commission-in February ni 12-ah VC leh Local Council thlanna vote chhiar tur a ti a, candidate-te inhnuhdawh hun a tawp tawh avangin candidate tur zat pawh a chiang tawh.
Candidate tam berna Mamit District-ah general seat chuhtu mi 970 leh reserved seat chuhtu 279 an awm a, an vaiin mi 1249 an ni.
Lunglei District-in an dawt a, general seat chuhtu mi 756 leh reserved seat chuhtu mi 266, an vaiin candidate 1022 an awm. Aizawl District-in a dawt leh a, general seat chuhtu mi 692 leh reserved seat chuhtu mi 219, an vaiin mi 911 an awm.
Candidate tlem berna Hnahthial District-ah chuan general seat chuhtu mi 268 leh reserved seat chuhtu mi 84, an vaiin candidate 352 an awm.
VC inthlan atan hian Mizoram pumah general seat chuhtu mi 5178 leh reserved seat chuhtu mi 1651 an awm a, candidate zawng zawng hi mi 6829 an ni.
VC atana candidate awm zat
District Gen Res
Aizawl 692 219
Lunglei 756 266
Serchhip 515 172
Champhai 571 195
Mamit 970 279
Kolasib 722 215
Saitual 395 118
Khawzawl 289 103
Hnahthial 268 84
Mamit District-ah candidate tam ber
