Mamit district chhungah ramdang leh state dang, Mizoram state pawn atangin vawk leh vawksa lam chi reng reng lakluh phal a ni lo tih Mamit district magisrate chuan mipui a hriattir.
District magistrate thuchhuak chuan, tunlaiin Mizoramah leh thenawm state-ah ran hri (ASF) leng mekin, ziaawm lam a pan thei lo a, he hri laka Mamit district mipui ranvulh an him theih nan danin thuneihna a pek angin an district-ah ramdang (foreign countries) leh state dang atangin vawk leh vawksa rep leh vawksa atanga siam lakluh khap a ni tih a sawi.
ASF lenna khua/ district dang atangin vawk, vawksa leh a rep atanga siam ei tur Mamit district-a lakluh a khap bakah ran damlo leh hrisel lo ei tur atana hralh leh zawrh a khap.
Thupek hi 2024 September 30 atanga chhiara thla hnih chhung huam tur a ni a. A bawhchhetu chu section 223 Bharatya Nyaya Sanhita (BNS) 2023 hmangin hrem theih an ni tih a sawi.
Mamit district-ah state pawn atanga vawk lakluh phal lo
