Kum 1999 atanga chhiarin Mamit district ah thingtiak 115403 phun a ni tawh.
Thawhtannia District Level Committee on Green Mizoram Mamit thutkhawmah Forest Department record-a a lan danin heti zat hi Mamit district ah thing tiak phun a ni tawh a. Kumin Green Mizoram Day denchhenin thingphun enkawl zui tha, 50% chin phun nung ngeite hnenah lawmman pakhatna Rs 5000, pahnihna Rs 3000 leh pathumna Rs 2000 hlan rel a ni.
Committee chairman, district bawrhsap VL Remliana hoa thutkhawmah hian kuminah Green Mizoram Day – June 11 chu Pathianni anih avangin June 9-ah state level-in a lo rel tawh angin hman ve nise an ti a. Highway peng, waiting shed, Luangpawlah a hawnna inkhawm neih tum niin, Bawngva Road-ah thing tiak phun tum a ni.
Green Mizoram Day puala hmalakna leh hmachhawp atan hian mahni thingphun theuh a nun that theih nan kum 1khatah vawi hnih aia tlem lo thingphuntu turten samfai thin tura rel a nih bakah thingphunna hmun tura thlan huamchhungah thing nungsa a awm a nih chuan tha taka enkawl zui tur leh, kum hmasa lama thingphun nung lo te thlak nise an ti.
Mamit district-ah thingtiak 110000 chuang phun tawh
