Mamit veng tinah CCTV vuah tum

Mamit district administration hmalakna in dan bawhchhia man thuai an nih theih nan Mamit khawpui chhung veng tinah CCTV dah tum a ni.
Mamit district bawrhsap VL Remliana kaihhruaiin kumin Krismas leh kumthar mipui vantlangten hlim leh thlamuang taka kan hman theih nan dan leh thupek kenkawh dan ngaihtuahin Nilaini khan thutkhawm a ni a. District magistrate-in thupek a lo chhuah tawh anga, halpuah, halmawi, silai lem a mu nei chi hralh leh lei khapna bawhzuina atan a zuartu dawrte check nise tih a ni a. A check tur hi team hniha inthen nghal a ni.
Mamit hmun lunlaiah duty post siam nise tih niin, duty post-ah hian vengchhung YMA, Excise leh Police-te nen tanghoa duty tura tih a ni. Khawpui chhungah rukruk a hluar avangin uar zawka police patrolling kalpui nise, an ti a. Rukru leh dan bawhchhia man chhuah thuai an nih theih nan, vengtinah CCTV vuah tura hma lak a ni. Krismas leh kumthar chhung hian emergency case awm palh theiah District Hospital Mamit chu inralring tura beisei an ni bawk.