India zalen kum 75-na lawmna – Azadi Ka Amrit Mahotsav kalzel kharna, Meri Matti Mera Desh chu Nilaini khan Mamitah bawrhsap VL Remliana hoa hman a ni.
Meri Maati Mera Desh hi August 9-15 chhung hman tur a ni a. Hman dan tur ruahman ang chuan, India ram zalenna sualtu nunna chante hriatrengna lung phun tur a ni a. Anmahni chenna khua/ vengah theuh an hming ziaka phun tur a ni. Ram tana intiam tharlehna lak tur a ni a. Khaw tin leh veng tinah thing tiak 75 phun tur a ni a, thing tiak hi tualto mi ngei a ni tur a ni. Zalenna sualtu mi huaisen thi /la damte, sipai leh police an duty laia nunna chante chawimawina hun hman tur a ni.
August 16-20 inkarah khaw tin veng tin atangin lei (mitti) lakkhawm a, Block Hqrs a kenkhawm tur a ni a. Hei hi hlum belah dahin India ram khawpui ber New Delhi-ah August 27&28 khian Block tin aiawh thalaiten an keng khawm ang. August 29&30 ah Kartavya Path-ah ceremonial program hi ram pum huapa siam leh a ni anga, state sawrkar pawhin August 16 -25 inkarah hetiang program hi a huaihawt dawn a ni.
Mamitah Meri Maati Mera Desh
