Mamit district-a Assembly bial pathuma polling station 121 awmah pan harsa zual 39-a duty turte chu November 5, Pathianni khan Mamit atangin an chhuak a. Election observer pahnih Sudhansu Mohan leh Rishirendra Kumar bakah district election officer VL Remliana ten an telpui.
Duty-a chhuak turte hnenah hian electronic voting machine bakah voting compartment leh polling official-te mamawh hrang hrang pek chhuah a ni a. A hmun an chhuahsan hma in returning officer leh nodal officer-te enpuina hnuaiah EVM endikin, EVM hnuchhuina ‘Traccar apps’ an hmang ngei a ni tih enpui an ni.
Hachhek biala PS 9, Dampa bialah PS 20, Mamit bialah PS 10-a duty tur an ni a. A bak, hmun hla deuh dang chu vawiinah an chhuak ve leh ang.
Mamit district-a polling station 6 chu kea kal ngai niin, polling station 2 chu lawng hmanga kal ngai a ni.
Mamitah P/S 38 a duty turte chhuak
