Manipur-a dan pawna hnawl, Kangleipak Communist Party Taibangnganba (KCP-Taibangnganba) hel pawla an hotupa ber leh a thuihhruai mi 46-te chu Thawhlehni khan an silai 20, a mu 216 leh puak thei dang pathum nen sorkar hnenah an inpe.
Imphal-a 1st Manipur Rifles parade ground-ah Home Coming ceremony huaihawtin dawnsawn an ni.
Hel inpe hi state sorkarin Manipur-a muanna leh nunphung pangngai a awm leh theihna tura a beihnaa hlawhtlinna lian taka chhiar a ni.
An pawl hruaitu, chairman inti, Taibanganba tia sawi, Haobijam Dilip-a hi New Delhi-ah May 28 khan Delhi police special cell, Manipur police leh central intelligence agency tanghovin an lo man tawh.
Manipur police-in Tihar jail atangin June 1 khan mi pawisa chhuhsak leh pawikhawihna dang avanga man velehin an state-a hruai haw turin an buaipui zui.
Dilip-a hi May 20, 2022 pawh khan Bishnupur district-ah man tawh niin a hnuah damlohna thil avangin bail-a chhuah a ni.
Chief Minister Yumnam Khemchand-a chuan May 3, 2023-a Kuki-Zo leh Meitei inkara buaina a chhuah atang khan thalai tam takin silai lekin hel an zawm tih a sawi a, ralthuam lek hian Manipur-ah muanna a thlen loh avangin nunphung pangngaia let leh turin a sawm.
Hel inpete hi surrender-cum-rehabilitation scheme hnuaiah thla 36 chhung thla tin Rs. 6,000 pek an ni ang a, an bank account-ah fix deposit-in Rs. nuai 4 dah a ni bawk ang.
KCP-Taibangnganba mite an inpek hma hian Kangleipak Communist Party (People’s War Group) (KCP-PWG)-a tel mi 46 chu July 21 khan Manipur sorkar kutah silai 28 leh ralthuam dangte nen an lo inpe tawh bawk.
Manipur-ah an hotupa hovin KCP-Taibangnganba hel 46 inp
