Manipur district thumah curfew

Imphal Valley a remna leh muanna a awm theih nana zirlai tena lungawilohna an lantir hnuah Manipur district pathumah prohibitory order puan a ni a.
Imphal East leh West district-ah chuan tiamchin awm lo curfew puan niin mipuite chu an chenna in chhuahsan khapsak an ni a. Thoubal ah chuan Section 163(2) of BNSS hmangin prohibitory order puan a ni bawk.
“District-ah dan leh hrai lekkawhna in harsatna a tawh theih dawn avangin a hmaa curfew thlahdulna chu September 10 chawhma dar 11 atangin hnawl nghal a ni a. Imphal East district ah chuan thu leh awm hma chuan total curfew puan a ni” tiin district magistrate thupek chhuah chuan a tarlang.
Imphal West district magistrate-in order a tihchhuahah pawh, “Thupek lo chhuah tawh te thlak vekin September 10 a curfew thlahdul tih chu dar 11 atangin hlih a ni” tih a ni bawk.
A hmain curfew thlahdul chu September 10 hma chuan zing dar 5 atanga zan dar 10 inkar thleng kalpui thin a ni a, tunah erawh thupek thar ber chuan a hnawl ta vek a ni.
Thupek hian essential services heng media, electricity, court leh health lam kaihhnawih te chu curfew hian a huam ve dawn lo thung.
Imphal district pahnih a curfew khauh zawka puan a nihna chhan hi zirlai pawl tena DGP leh state sorkar security advisor te chu state chhunga law and order kengkawh zo lova puha thlak ngiat tuma chetlak an tum vang nia ngaih a ni.
Thoubal-a prohibitory oder chuan mi panga aia ta punkhawm remti lovin Thawhtan khan zirlai lungawi lo te nena police te innawrnaah zirlai pakhat chu a malpuiah silai a kah a ni.
Hetih lai hian school leh college a zirlai za tel te chuan Imphal a Khwairamband Women market ah camp siamin zan an hmang a. Zirlai te chu women shokeeper ten market ah camp an siam theih nan an pui a ni.
“Demand kan neih paruk te min chhang turin Governor Lakshman Prasad Acharya hnenah darkar 24 hun kan pe a. Hun tiam ral hnuah kan chetzel dan tur kan rel ang” tiin student leader Ch, Victor Singh chuan a sawi.
Thawhtanni khan Manipur Secretariat leh Raj Bhavan kawtah te tun hnaia drone leh mssile attack thlenga mawhphurtute hrem ngiatin lungawilohna lantir a lo ni tawh a, chubakah state ‘territorial leh administrative integrity’ humhim an ngiat bawk.
Tun hnaia drone leh missile attack avanga buaina chhuak tharah mi pariatin nunna chanin mi 12 in hliam an tuar bawk a ni.
Zirlai pawl te chuan Governore Acharya an hmuhnaah demand paruk an neih thehlutin, chung zingah chuan Director General of Police (DGP) leh state sorkar security advisor thlak te a tel a. Hei bakah hian CRPF DG Kuldiep Singh kaihrhuai Unified Command chu State sorkar hnena hlan turin an ngiat bawk.
Thawhtanni khan zirlai pawl te chuan an thinrimna hrithlain State buaina chu Manipur territorial leh administrative integrity thlak danglam hauh lova chinfel an ngiat a ni.
Manipur buaina hi nikum May thlaa intan kha niin mi 200 chuangin nunna chan phah tawhin mi sang tam takin in leh lo chanin an chhuahsan tawh bawk a. Buaina hi Imphal Valley a awm Meitei leh tlangrama cheng tribal hnam te inkara buaina a ni ber.