Mizoram sawrkar aiawha Manipur raltlante chungchang sawrkar laipuia sawipui tura ruat, minister Robert Romawia Royte chuan Zirtawpni khan Union Home secretary Ajay Kumar Bhalla chu a pisaah kawmin Manipur a\anga Mizorama raltlante chungchang leh thu pawimawh dang a sawipui.
Minister hian kumin May 3-a Manipura buaina a chhuah a\anga vawiin thlenga Mizoram sawrkar hmalak dan, chief minister Pu Zoramthanga’n Union Home minister leh Manipur chief minister-te phone-a a biak nghal dante, Prime minister leh Union Home minister lehkha a thawn dante hrilhin, tun dinhmunah Manipur raltlan mi 11328 Mizorama an awm mek thu leh, heng raltlante hi naupang, hmeichhia leh tar chauh an nih tlangpui thu te, mipa thalaite chu an in leh lo veng turin Manipur lamah an awm nia a hriat thute a hrilh.
June 15 thlenga thil thleng chuan Manipur tualchhung buaina in ziaawm lam a pan thei lo tih a tichiang a, sawrkar laipui chu a tul anga a inrawlh zel a tul takmeuh, tiin Robert Romawia hian a ngen a. Mizoram sawrkar, NGO leh kohhrante chuan Manipur buaina avanga raltlante chu theih ang angin an enkawl a, centre puihna an mamawh hle tih a hrilh.
Mizoram sawrkarin raltlante enkawlna’n Home ministry-ah sum sanction rawtna a thlen chu rang taka sanction turin Home secretary hi a ngen a. Sanction thuai a nih loh chuan thil thalo zawk thleng thei a nih thute a hrilh bawk.
Union Home secretary hian Mizoram chief minister rawtna a lo hriat tawh thu sawiin, Manipur atang a an sahimna zawnga Mizorama raltlante tanpui na’n Mizoram sawrkarah sum pek thuai a nih tur thu minister hi a lo hrilh a ni.
Sports minister Robert Romawia Royte hian Aizawl Sipai Lammual chu Assam Rifles-in a rang thei ang bera state sawrkar kuta an hlan a tul tih sawiin, Lammual hmuna Laldenga Centre lungphum chu Union Home minister-in a lo phum tawh angin, a taka hna tan thuai a ngai a, no objection certificate pechhuak nghal turin a ngen a, Union secretary chuan tihfel thuai an tum thu a lo hrilh a ni.
Manipur raltlante chhawmdawlna tur ngen
