Mizo film thar ‘Black Rose’ chu March ni 17 zan hian Vanapa Hall-ah an tlangzarh dawn ta a, tlangzarh zana Vanapa Hall-a film en duh te tan ticket 300 vel chauh siam a ni a, ticket hi Kristie House of Beauty (Avon) Zarkawt leh Fonn Inn, Dawrpui-ah te lei theih a ni ang.
Black Rose movie hi tunlai nun behchhana love story niin, hmangaihna an beisei loh dana pawh her a nih te lantir a ni a, hmeichhe pakhat khawvel buai tak chanchin vel tarlanna a ni. He film-ah hian Mizo mipa model hriathlawh Timothy Vangchhia leh Mazualtea te an inlan a, a changtunu hi Mizo film lama mithar, Kawnpui khaw nula, Nunui a ni ve thung.
A script hi Danny Vanchhong ziah niin, ani hian a direct nghal a, videograhy lama tawnhriat ngah tawh, Mizo film lama kan hmelhriat tawh BS Picture chu BOP niin, a film hi Melody G. Fanai (Tintin Entertainment) produced a ni ve thung.
He film hi apps lamah dah a ni rih dawn lo va, an tlangzarh hnuah Mizoram hmun hrang hrangleh AMC area hmun hrang hrangah chhuah tan a ni ang a, booking ti duh leh hrechiang duh tan Production Manager Lalremchhunga (ph-9366887975) biak pawh theih a ni.
March 17-ah Mizo film ‘Black Rose’ tlangzarh dawn
