Martar-te post mortem report-in mipui rilru tina
November ni 11-a Jiribam district, Manipur-a CRPF te kah hlum Zo hnahthlak mi 10-te ruang post mortem report hmuh a ni tawh a, mipui rilru a na tih thu dawn a ni.
Post mortem report hi kar hmasa lam khan Manipur state-a Zo hnahthlakte’n an dawng a, report an hmuh tak avang hian December ni 5-ah martar-te hi thlah liam an tum.
Post mortem report-a a lan danin, mi 10-te taksaah hian silaimu tam tham tak a lut a, mu 10 chuang dawngte pawh an awm.
A tam ber chu an hnung lam a\anga silaimu lut an ni a, an nak-a silaimu lut, an nak lehlama chhuak leh te pawh an awm. An zinga mi palite chu an taksa peng kim lo a awm.
Manipur-a Zo hnahthlakte chu post mortem report tihdanglam emaw thup emaw a awm lo tiin hemi chungchangah an lungawi a, hei vang hian December ni 5-a vui pawh an rel a ni. Amaherawhchu, post mortem report-a lo langah hian an lungawi lo a, rawng taka tihhlum an ni tih a chian avangin an rilru a na hle tih thu dawn a ni.
Ruang hi Silchar Medical College-ah post mortem a nih hnuah November ni 16-ah Lamka thlenpui a ni a, post mortem report hmuh phawt an duh avangin vui liam nghal lovin Lamka-a District Hospital-ah an dah a, chhun zan zawmin \halaiin an awm chilh a ni.
Tuna an tum dan chuan, December ni 4 zanah ruang hi an in \heuhvah tlaivarpui a ni ang a, ni 5 tukah Peace Ground panin a in hla ber a\angin chhuahpui a ni ang a, a indawta chhuahpuiin Peace Ground an panpui ang. Peace Ground-ah hian mipuiin a vuina hun an hmang ang a, Martar Thlanmualah phum an ni ang.
Martar-te post mortem report-in mipui rilru tina
