Maruti Suzuki chuan an Swift thar chu India-ah May thlaah an tlangzarh dawn tih issue hmasa lamah kan rawn tarlang tawh a, tunah chuan dealer thenkhatah Rs 11,000-in booking an hawng tawh a, May thla chhunga hralh chhuah hman tur a ni a, petrol leh CNG version a awm dawn a, petrol hmang an tlangzarh hmasa ang a, CNG chu kum chawhnu lam deuhah an tlangzarh ang. Swift hi tum hi an tih thar (fourth-generation)na tur a ni ta.
Fourth-gen Swift hi ram thenkhatah chuan an tlangzarh tawh a, a design-ah danglamna a awm nain, han en mai pawhin Swift a ni tih a la hriat hle tho a, angular headlight neiin, a grille a ti tê deuh a, taillamp thar a nei bawk. Tuna a model an hralh chhuah lai aiin a lang tung deuh zawk a, a chhunglamah layout thar an hmang a, dual-tone dashboard neiin, touchscreen lian zawk, 9.0-inch freestanding touchscreen a nei bawk.
A mechanical hi a danglamna lian tak pakhat a ni a, tuna an hralh chhuah laiin a hman K-Series petrol a hmang tawh dawn lo va, Z-Series 1.2-litre three-cylinder engine a hmang tawh dawn a, 82 bhp leh 12 Nm torque pechhuak thei a ni dawn a, tuna an hralhchhuah lai model hi 89 bhp leh 113 Nm torque pechhuak thei a ni ve thung. A power output a tlahniam deuh nain, a fuel efficiency a sang ve leh thung dawn a ni. Swift tar hi manual leh automatic gearbox-ah duhthlan tur a awm ang.
Maruti Suzuki Swift thar booking an hawng
![](https://theaizawlpost.org/wp-content/uploads/Clipboard01-688.jpg)