Site icon The Aizawl Post

MASA Paragliding training

Mizoram Aero Sports Association (MASA) te chuan April – May 2023 chhung hian India rama a vawi khat nan paragliding training an buatsaih dawn.
MASA buatsaih Paragliding training a tel tur hian state 25 atangin dilna a lut a. State 12 atanga mi thlan bik 45 ten Pilot proficiency 1 (P1) leh P2 training an nei phawt dawn a. MASA chuan paragliding training a tel tur hian Mizote tan kawng an hawng zau leh zual a, Mizo mi 10 te training turin an thlang. P1 leh P2 training an neih zawh hnuin exam an hmachhawn ang a, chuta tithate chuan P3 leh P5 training an nei zui leh dawn.
Paragliding P1 & P2 training hi Champhaiah neih a ni dawn a. Vawiin hian Champhai DC Pu James Lalrinchhana’n training a hawng ang a. P1 & P2 training hian March ni 30 – 17 April 2023 chhung a awh ang. P1 & P2 training a titha ten ram pawnah traning an nei zui leh thei dawn a. P3 hi tui chungahte traning neih a ngaih vangin State pawna training neih a ngaih thu MASA President in chanchinbu mite a hrilh.
March 28, Thawhlehni-ah Press Conference an neih tumin MASA chuan training chhuakte chu International Paragliding certificate pek an ni dawn tih tarlangin, an certificate pek tur chu skill India hnuaiah a nih dawn thu leh paragliding syllabus zulzuia kalpui a nih dawn thu an sawi a. MASA hian Mizo thalai, Paragliding lama tuite tana kawng hawn a, an tana eizawnna tling tura training-te buatsaih chu an tum ber a nih thu an tarlang bawk.

Exit mobile version