Mizoram Amateur Taekwondo Associa-tion (MATA)-in club leh district tlawhchhuah programme kalpui mek-ah June ni 9-10 chhung khan MATA hruaitute chuan Serchhip district an tlawh a, district hmasawnna tur hrang hrangte sawi hoin an mamawhte an lo thlen.
Serchhip leh Then-zawl Dojang an tlawh nghal bawk a; Then-zawlah hian belt award ceremony hmanpui nghalin, exam pass thar mi 20 hnenah belt leh certificate an hlan.
Serchhip district tlawhnaah hian MATA senior vice president Master VL Sawma, ge-neral secretary Master Joseph Thansanga leh finance secretary Ro-salynn Lianhming-thangite an kal a, Ser-chhip DATA president Vanlalhruaia leh OB dangte’n Mizoram championship pakhat Serchhipa nghat turin dilna an lo thlen.
June ni 6 khan Mary Mount school-a taek-wondo zirna hawn thar a ni a; hawnna in-khawm hi MATA sec-retary Francis Lalnun-mawia’n hmanpuiin, fuihna thu a sawi. Mary Mount school-ah hian taekwondo zirlai 300 chuang an inziaklut mek.
Inrinni khan 1st session belt exam kal mek chhunzawmna’n MATA chuan 23 Sector Assam Rifles hall, Khatlaah colour belt exam an buatsaih a; exam-ah hian zirna in hrang hrang Assam Rifles, Gidae Taekwon-do Academy, ATA, MZU leh Durtlang Taekwondo Club atang-in zirlai 50 chuangin belt grade hrang hrang exam an hmachhawn.
Exam hawnna in-khawm tawi neihah Brig. Girish Upadhya chu khuallian a ni a, MATA president Prof. Rualkhuma Colney leh MATA secretary F. Thangtinlianate’n hmanpuiin, fuihna thu an sawi bawk.
Exam hi black belt TSK Fela leh Doris Lalhmangaihzualite’n uluk takin an endik a ni.
MATA district tlawh leh belt
