Mau lam behchhana industry dintute intelkhawm – Mizoram Bamboo Industries Association hruaitute chuan Thawhlehni khan chief minister Lalduhoma an kawm a. An hmalak dan, harsatna an tawh leh hmalak dan tha zawk nia an hriatte a lo sawipui.
Chief minister hian an thil sawi zawng zawng chu mimal tak pawhin a tuipui em em vek tih a lo hrilh a. Sawrkarin theihtawp chhuahin a ngaihtuah zel dawn tih sawiin, pawl anga an harsatna, industry malin harsatna an tawhte pawh fel taka ziaka a hnena thlen turin a chah. “Entreprenuer tanpui hi sawrkarin kan duh ber a ni a, sawrkar tel lo pawhin thui tak in kal thei a, sawrkar nena thui zawka in kal theih nan in mamawh belh ngaihtuah kan tum dawn a ni,” a ti.
Mizoram Bamboo Industries Association hian lawmpuina hlanin, sawrkarin Mizoram mau a haua hralhchhuah tawh rih loh a ti chu tha an tih thu chief minister hnenah hian an sawi. Kan hma lawkah Rawthing a tam leh tawh dawn a, harsatna kan tawh phah loh nan chin pun leh thuaina tur ngaihtuah tul an tih thute, mau policy thar siam an duh thu leh thildangte an thlen a ni.
Mau industry siamten CM-ah harsatna thlen
