Thawhtan zing khan NBA 2024-25 khelh chhunzawm a ni a, Dallas Mavericks chuan an khingpui Orlando Magic chu point 23 ngawtin an sawp. Atlanta Hawks chuan point 126-111 in New Orlean Pelicans an sawp ve bawk.
Season bul tan tha lutuk lo, an khelh hmasak pangaa vawi hnih tlawm tawh Dallas Mavericks hian Orlando Magic lakah an khel tha viau a, quarter hmasa pathumah chungnung zawk an ni vek. Quarter hnuhnung berah point liin hnufual bawk mah se point 23 zetin hnehna an la chang tho thung a, season thara a vawi li nan hnehna an chang. Point 23 ngawta Magic an hneh tum hian Mavericks tan Luka Doncic chuan point 32 a thawkchhuak.
Thawhtan zinga inkhel dangah Atlanta Hawks chuan an khingpui New Orleans Pelicans chu point 126-11 in an hneh ve bawk. He inkhelah hian Jalen Johnson chuan point 29 a thawkchhuak. Hawks tan hian Trae Young chuan point 23 a thawkchhuak a, ball sawhlet vawi 12 a dawng tling bawk.
Mavericks in Magic an sawp
