MBA Official Junior Championship

MBA Official Junior Championship
August 1-5, 2023 chhunga Mission Veng Indoor Sta-dium-a khelh Yonex Sunrise Mizoram Badminton Asso-ciation Official Junior Cham-pionship 2023 chu Inrinni khan zawh fel niin, category hrang hrang 14-a inelna hma-chhawn zat hi player 182 an ni a; category hrang hrangah hian entry 245 lutin, match 216 khelh a ni.
He tournament hi Mission Veng Badminton Academy leh Mizoram Badminton Asso-ciation tangkawpin Mizoram State Sports Council tanpuina hmanga an buatsaih niin, kar hmasa lama zawh tak MBA Official Senior Championship 2023 chhunzawmna a ni bawk.
Category pathuma final lut thei Mama leh Rinhlui
Kum 14 mi ve ve niin, under-15 an la khel thei ve ve a; MBA danin a phal chin chu tournament pakhata category pathum thleng tel theih tih a ni.
An chhuahna zawng zawng-ah final an lut vek a, chutiang ti thei chu H. Lalrinhluii d/o H. Zo-hmangaihna, Chanmari West, Ralte Villa Badminton club tana khel mek leh Malsawmhlua s/o Albert Lalnun-hlima, Serchhip, Ralte Villa BC tan thoa khel mekte an ni.
Rinhlui hian singles inelna pathum under-15 girl’s singles, under-17 girl’s singles leh under-19 girl’s singles-ahte final a thleng vek a, U-15 GS-ah championin, a dang pahnihah hian uiawm taka deciding game-ah chak lo ve vein pahnihna dinhmun a hauh.
Malsawmhlua (Mama) hian U-15 boy’s singles, U-15 boy’s doubles leh U-19 boy’s doubles-ahte final lutin, a hmasa pahnihah hian a champion a, U-19 BD-ah pahnihna dinhmun a luah bawk.
|hazuala bawk a langsar
Kar hmasa lamah Mizoram-a men’s singles champion thei naupang ber nihna record a siam zo chiah a, Junior Championship lamah pawh a che ropui chhunzawm hle.
H. Lalthazuala s/o H. Zohma-ngaiha, Chanmari West, Ralte Villa BC tana khel mek hian U-17 boy’s singles final-ah C. Lalramsanga, s/o C. Lungmuanpuia, Durtlang, Ralte Villa BC tana khel mek chu 21-15, 21-17-a hnehin a champion a, tin, U-19 boy’s singles category-ah tun tournament khel tha tak, kum 15 leka upa, Sainun-mawia Sailo s/o Saizama Sailo, Ramhlun Venglai, Bawngkawn Bad-minton Club tana khel chu 21-12, 21-19-a hneh-in a champion bawk.
Anni ho hi Tata Trust (NEIDA) hmalaknaa Pullela Gopichand Bad-minton Academy (PGBA)-a inzir mek an ni a; vawiin, Thawhtanni hian an zirna hmun hi an pan lehnghal dawn a, national level tournament lian hrang hrang khel turin an inbuatsaih chhunzawm nghal dawn a ni.
Result hrang hrangte
Under-19 Girl’s singles final inelna hmuhnawm takah Abigail Lalthazuali, Saron Veng BC chuan H. Lalrinhlui, Ralte Villa BC chu deciding game-ah 21-15, 18-21, 21-16-in a hneh a; kum lama naupang zawk ni mah se Rinhlui’n theihtawp a chhuah a, deciding game-ah pawh hmahruaitu zawk a ni char char nghe nghe, mahse, a tawp lam point pawimawhah Abigail-i’n a tawnhriat ngah zawkna leh thahrui neihna hmangtangkaiin a lehpel a, a champion zui.
Under-17 girl’s singles inelnaah pawh Rinhlui leh Mission Veng Badminton Academy chhulchhuak Lalrinkimite’n final hmuhnawm tak an khel a, deciding game-ah tho Rinkimi hian hnehna changin, 13-21, 21-10, 22-20-in a champion a ni.
Under-13 boy’s singles-ah badmin-ton skill nei tha em em Zothankima, Durtlang Leitan BC chuan 21-11, 21-13-a Abraham Lalnunthara, Ralte Villa BC hnehin a champion bawk.
Mizo naupangte’n kum dik taka an khelh theihna’n he tournament-ah hian birth certificate leh adhaar card original kentir an ni a, an khelh dawn apiangin a inmil em tih endik thlap zel a ni.
Hun hmasa lamah chuan MBA Junior Official Championship leh Senior Official Championship hi a ruala huahawt thin a ni a; player tel thei an lo thathnem tak avang leh kan hmunhma neihte’n min dawl zawh tak chiah loh avang te, samkhai leh hautak lo deuh zawka tournament lian huaihawt a nih theihna’nte a hrana buatsaih a ni ta thin.
Tata Trust (NEIDA) leh MBA thawhhona tha tak avangin kumtin Mizo naupangte’n badminton an uar tial tial a; tin, Mizo naupangte’n theihna sang tak an nei tih hriain India ram hmun hrang hranga academy lian leh thate pawhin Mizoram lam an hawi tan viau.
He’ng bakah Mizoram chhung hmun hrang hrangah Grassroot Coaching Centre leh Regional Development Centre-te a lo awm belh chho ta zel a, he’ng avang hian badminton game-in Mizoram chhung ngeiah pawh hma a sawnin, ngaihventu an pung a, tournament-a tel pawh an thahnem chho hle a ni.
Engnge an sawi?
He tournament hi a hmuna entu an thahnem hle mai a, hall chhung thutna leh en theihna awm zawng zawngah khat tlatin mipui an inbeng muk.
MBA hruaitute mai bakah Tata Trust lam atangte leh badminton tuipuitu mi chi hrang hrang hmel hmuh tur a awm bawk.
Mizoram badminton khawvela hming langsar ber leh men’s singles champion rei ber Lalmuanawma chuan Mizo naupangte fakin, an khel hmuhnawm a tih thu a sawi a, “Power game an nei tawh a, an kutthlak pawh a na tawhin game speed pawh a tha tawh hlawm khawp mai.
“Nu leh pate’n an fate tuipui na-chang hriaa hall-ah an inkhel ena kan khat tlat mai kha a ropui hle a ni,” a ti.
Tin, PGBA coach, tuna RDC, Ai-zawl enkawl mektu Eddie Lalfemkima chuan zawhna chhangin, “Kan Mizo naupangte badminton game a hmuh-nawmin, an shuttlecock control pawh a dik hlawm tawh khawp mai. Court chhunga an chevel leh body language pawhin duhthu a sam chho tan. Mizoin kan mamawh em em power smash-ah nasa lehzuala tan an lak a, an inzir chho zel erawh a la tul,” a ti.
He tournament huaihawttu MVBA president leh tournament chairman ni bawk Malsawmkima chuan tournament changkang tak an thleng thei chu lawm-awm a tih thu sawiin, “Player hmasawn-na hmuh a nuamin, tournament chang-kang tak kan thleng a ni. Hei hi a chhan chu nu leh pa tam takin an fate inkhelh-na’n sum an seng ngam mai ni loin an tawiawm zat zat zel tawh a; hetianga kawng kawhhmuh theitu association kan nei tel hi badminton ngainatute kan vanneihna a ni,” tiin a sawi.