MCC bawhchhia nia hriat
minister 2 insawifiah ngai
Local council leh village council inthlan turah model code of conduct bawhchhia nia hriat minister pahnih chu insawifiah tura tih an ni.
State Election Commission (SEC) Mizoram chuan PWD minister Vanlalhlana leh Labour Employment Skill Development & Entrepreneurship minister Lalnghinglova Hmar te chu inthlan puan tawh hnua tih loh tur tia puh an nihna complaint an dawn angin insawifiah turin a ti a. February 3 aia tlai loa insawifiah tura tih an ni.
Minister pahnih hi model code of conduct (MCC) bawhchhiaa puhna complaint a lut a. Aizawl district election officer chuan election observer hnenah hlanchhawngin, a ni hian SEC hnenah a pe chhawng leh a ni. Minister Vanlalhlana hi a sawrkar pisa chhung atanga video hmanga a bial chhung Durtlanga rorel lai ZPM local council candidate-te vote tura a ngenna social media-a thehdarha puh a ni a. Minister Lalnghinglova Hmar hi a bial Aizawl West-II huamchhunga local council inthlana ZPM candidate-te tan a campaign-naah inthlan puan hnua tih phal loh tia puh a ni.
Minister pahnih hi February 3 aia tlai loa State Election Commission hmaa an insawifiahna thehlut tura tih an ni.
MCC bawhchhia nia hriat minister 2 insawifiah ngai
