Mizoram Christian College chuan Nilaini khan an college atanga pass chhuakte tan Graduation Day vawi hnihna an hmang. Kal chhuak turte thlahna thuchah sawitu Synod executive secretary Rev VL Luaia Hranleh chuan a titha peih lote tan dam khawchhuahna a vang tial tial, tiin, central service thlenga hmachhawn ngam tura taima a, sawrkar hnaa innghat loa mahnia inhaikaw theia intuaihriam turin a chah.
Zirtirtute aiawha thu sawitu Dr LV Lalrintluangi chuan, kumina chhuak tur zirlaite chu Covid hrilen hun harsa tak kara college kal an ni, tiin, heng hun tha taka an paltlang thei chu an chhuang hle tih a sawi. An zir leh eizawnna zelna turah he College-a Pathian thu nena an inenkawlna, kartin devotion-a hun hman thin leh exam dawn apianga tawngtainaa an inhlan thin dan, entawna pass ai chuan fail ngam zawk tura an inzirtirna chu hrereng turin zirlaite a chah a ni.
Graduation Day hi an college principal Dr Tawnenga’n a, Synod puipa dang, MCC Governing Board member leh Alumni hruaituten an hmanpui a ni.
MCC-in Graduation Day hmang
