MC Lalrinthanga Publications (MCL Publications) office thar, lehkhabu an chhuahsak hrang hrang leh document pawimawh dahkhawmna ‘MCL Publications office cum library’ Khatla South ami chu Ningani khan deputy chief minister Tawnluia’n a hawng.
Deputy CM chuan he office cum library-a lehkhabu leh document pawimawhte tha taka vawnhim chu thangtharte tana rohlu a ni tih a sawi a. Ram leh hnam tana inpe zo, remna leh muanna kan neih theihna tura theihtawp chhuahtu leh thu leh hla ziah, chhutchhuah leh thehdarh kawnga mi tangkai tak Pu MC Lalrinthanga sulhnu hrang hrang chu tangkai taka hman a nih a beisei tih a sawi a ni.
MCL Publications office cum library-ah hian MC Lalrinthanga lehkhabu publish 52 te, a kutchhuak document pawimawh tak tak leh lehkhabu dang dah a ni a, hengte hi a mamawh apiang tan a hmuna panchilh theih a ni.
MCL Publications library din
