Mizoram Public Service Commission (MPSC) chuan August 8 khan Mizoram Civil Services (Combined Competitive) Preliminary Examinations 2025 a buatsaih a. Aizawl leh district headquarters zawng zawngah neih niin, mi 3600 chuangin an hmachhawn.
Tun tuma neih hi MCS (Combined Competitive) Preliminary Examinations neih tan hun, kum 2012 atanga chhiarin a tum 11-na a ni a, kum 2019- 2020 leh kum 2020- 2021-ah Covid-19 leng vangin buatsaih theih a ni lo. Kumin hian kum dang zawng aiin candidate attendance a tha a, chawhma exam-ah candidate 3658-in an hmachhawn a, chawhnu lamah 3628 niin, hmachhawn tura diltu zat atanga chhutin hmachhawn tluantling hi zaah 76.54 an ni.
Hetiang taka attendance tha hi kum hmasa lama preliminary examination-ah a la awm ngai lo tih MPSC hotute chuan sawiin, thil chhinchhiahtlak tak a ni a. He exam tluang taka neih a nih theihna atana mawhphurhna neiten an tih tur tha taka an hlen theih avangin lawmawm an tih thu an sawi.
Tun tumah hian candidate zingah mipa 2131 leh hmeichhia 1497-in an exam tluan a, Aizawl Centre-ah exam hmachhawn tluan tam berin, mipa 1497 leh hmeichhi 1237 an ni.
MCS Combined prelim exam hmachhawntu tam ber tum
