Mara Autonomous District Council hnuaia Chakhei MDC bial by election neih zawh taka hneh taka thlan tlin thar Albert T Sachu chu nimin khan MADC Golden Jubilee Hall-ah rinawmna thu tiam tira lakluh a ni.
Lakluh inkhawm kaihruaitu secretary to District Council Pheiki Solo chuan larsap hnen atanga Chakhei MDC biala Albert T Sachu thlantlin a nihna notification a chhiarchhuak a; hemi hnu hian Court president & recorder K. Vanlalliana’n rinawmna thu tiamtirin Member of District Council atan a la lut a ni.
MDC by election neihna, Chakhei bial hi 2023 MLA inthlanpuia Palak Assembly bial atanga MLA-a thlantlin a nih tak avanga K. Hrahmo bial chhuahsan a ni a. Inthlanah hian BJP candidate Albert T Sachu hi thlantlin a ni.
MDC thar lalut
