Mizo Dance Camp (MDC) chuan an kum 10 tlin champha lawmna pakhat atana an buatsaih MDC The Main Event Grand Finale leh Showcase chu Zirtawpni zan khan Dawrpui Multipurpose Centre-ah nei a ni a, entu mipui lamin an ngaihluin, hall-a leng lo mipui an punkhawm thei a ni.
The Main Event tawp zanah hian MDC Showcase bakah Hei Raw Dance Competition Finals leh Showdown Dance Battle Final-te neih a ni a. Lamthiam te pawn an hlutin, Mizoram pawn atangin dancer thahnem tak an rawn tel a, chung zingah chuan Assam, Arunachal Pradesh, Manipur leh West Bengal atangin an rawn tel a ni. Intihsiakna endik tura chah chhuah pahnih- Mekhola Bose, Mumbai leh Sammy Hamar, Assam te pawhin lam hmuhnawm tak an chhawp chhuak a, kal khawm mipui te chuan an hlut hle.
Grand Finale atana Chief Guest Zonunthari, Jt. Secretary, Women & Child Development chuan show hmuhnawm leh changkang tak avangin MDC Director Alan Rinawma leh a team-te chu a fak hle a. Cultural thil te zep tel thin tur leh tha taka kal chho zel turin duhsakna a hlan bawk a ni.
Intihsiakna hrang hranga lawmman dawngtu te chu:
HEI RAW DANCE COMPETITION
Winner: Frozen Crew
1st Runner Up: Dancing Mask Assam
2nd Runner Up: Pink Phoenix
Best Supporting Crowd: Greenland HSS
Best Performing School: St. Mary’s School
SHOWDOWN DANCE BATTLE
WINNERS:
1V1 HIP HOP: Matthew Peka
1V1 WAACKING: Mark K.
1V1 BREAKING: Bboy Garfield
1V1 RYS: Viraj, Assam
3V3 RYS: Frozen Crew