Pathianni zan khan set thum inbeihnaah Nikoloz Basilashvili a hneh a, Almaty Open title a kawl lai humhim chungin kumin chhung bik atana a trophy palina a hmin a, Turin khuaa mipa tennis kum tawp kharna ATP Finals khel pha turin Russian world number five Daniil Medvedev chuan a dinhmun a sawhnghet teuh tawh hle a, Vienna Open leh Paris Masters lamah a dinhmun a chiang thei tawh ang.
Top seed Medvedev hian qualifier laka set khatna a hloh zet hnuah 6-7(6), 6-1, 6-3-in hnehna a chang a, kum 2020 daih tawha a lo champion ve tawhna ATP Tour kharna tournament-a inlan thei turin a dinhmun a Tha leh sawt.
Tun thlenga ATP Finals khel tura dinhmun sawhnghet tawhte chu Alexander Zverev, Carlos Alcaraz leh Ben Shelton-te niin, thla thar November ni 15-22 chhunga player pariat inelna tur eight-man season finale-ah hian inhliam Jannik Sinner a tel thei dawn lo thung.
Georgian Basilashvili hneha a career-a a title kawl lai a humhim vawi khatna khan Russian player a titlawm ve hle a, “Ka fresh sarin ka hria a, taksa lamah pawh ka dinhmun a Tha a, ka hlim takzet a ni,” a tih rualin Pathianni final-a a chak kha a vanneih vang a nih bawk thu kum 30 mi ni ve tawh Medvedev chuan a tarlang tel.
US Open champion hlui Medvedev laka tlawm ta qualifier Basilashvili kha world ranking-ah 128-na daih niin, tun kha kum 2022 hnu lama tour final a thlen vawi khatna a ni.
Vawiin aTanga khelh Tan leh nghal tur Vienna Open-ah Medvedev a inlan zui dawn a; October ni 31-a Tan tur Paris Masters lamah a pakai zui leh nghal ang.
Medvedev-a title palina a hmin
