2020-a rapper Megan Thee Stallion ke a kah thubuaiah an puhna zawng zawng jury ten thiam loh an chantirna pawh thla thla riat dawn a ni leh tawh a, tunah chuan rapper Tory Lanez, a hming tak Daystar Peterson, hremna tur pawh court-in a puang ta a, kum 10 jail tang tura tih a ni.
Los Angeles judge chuan thiam loh chantir a nih atanga thla riat dawn hnuah Lanez, kum 31, hi fimkhur loh vanga silai tipuak, semiautomatic ralthuam hmanga mi rikrap leh phalna nei lova ralthuam a mu awm lirthei a pai avangin a hremna hi kum 10 jail tang turin a ti ta a ni.
Lanez hian July 2020 khan party-na atanga an kal dawnah a keah a kap niin Megan Thee Stallion hian a puh a, Lanez hi July ni 12-ah man a ni a, mahse, dollar 35,000 bail-in a chhuak leh thuai a, an puhna zawng zawngah hian thiam loh a nei lo niin tan a khawh ve thung a, December 2022 khan Lanez-a ukil chuan silai hmetpuaktu hi Megan-i hi thiante niin, Lanez hian thelh a tum zawk niin a sawi ve thung.
Megan Thee Stallion kaptu Tory Lanez kum 10 tang turin a chungthu rel
