US President Joe Biden chuan investigation neihnaa top secret file te kalpui tha lo leh thil pawimawh tak tak te hrechhuak zo lo tia puhna chu natakin a chhang let a.
“Ka hriatrengna a tha” tiin news briefing a neihnah a sawi a.
A fapa thih hun pawh a hrechhuak mai thei tawh lo tia puhna chu lungchhe taka chhangin, “Chutiang te eng vanga sawi ngam nge a nih” tiin a chhang let a ni.
Inquiry neih chuan Biden chuan classified files te a duhthu ngeia kawlin leh a phawrh lang a ni an ti a, mahse, thiamloh chantir an tum lo an ti thung a.
Department of Justice PSecial Counsel Robert hur chuan Biden chuan vice-president a nih laiin Afghanistan kaihhnawih claasified document pawimawh military leh foreign policy lam chu mumal lo takin a kawl a ni a ti a.
Biden chungchang report hi phek 345 laia chhah niin chutah chuan president memory chuan ‘chintawk a nei nasa’ tiin tarlan a ni.
Biden hian a kum upat tawhna leh a thil hriatfuh tawk loh thinnaah buailo intiin tankhawh viau mahse tun hnai lawkah pawh Egyptian leader Abdul Fattah al-Sisi chu ‘president of Mexico’ tiin a sawi a ni.
Israel-Gaza indona chungchang a sawinaah Biden chuan, “A tirah khan inhriat theuh angin president of Mexico, Sisi chuan humanitarian material te thawnluh a nih theih nan gate a hawng duh lo a ni” tiin a sawi.
Hur hian kum 81 a upa President Biden chu inquiry neihna kaihhnawihah darkar nga chuan a interview a ni.
Special counsel hur chuan Biden chuan vice president a nih lai (2009 atanga 2017) a nih chhung a hrechhuak mang tawh lo a ti a, chumai bakah kum 2015 a a apa Beau thih hun pawh a hrechhuak zo lo tiin a sawi a ni.
Biden chuan nataka chhang letin, “Dik tak chuan khang zawhna min zawh khan ka rilru te te in in sawi ve tur a awm lo ka ti a ni. Beau Biden thih hun kha tumahin min hrilh ka ngai reng reng lo” tiin a sawi.
Special Counsel in nikum 8-9 October a a kawm lai khan international crisis awm lai niin rilru a luahkhah vek lai a ni a, Israel-Gaza indona intan lai a ni a ti bawk.
Inquiry report chuan Biden chuan material pawimawh tak tak te hand-written notebook a mi te chu a chanchin ziak tu ghostwriter hnenah a hrilh tiin a puh bawk a.
Special counsel chuan president Biden chu thiamloh chantir a harsa dawn a ti a, a chhan chu trial neih ni se Biden chu jury hmaah khawngaihthlak awm taka langin memory tha tawk lo tiin a inlan duh mai ang a ti bawk.
Opinion poll hrang hrang lakah US voter te chuan November thlaa White House luah tur thlannah kum an ngai pawimawh hle tih a hriat a. Mahse, Ningani khan Biden chuan amah chu canddiate qualify tak a ni a la inti thung a. “Ka kum a tam tawh a ni thei a, mahse, ka thiltihah ka chiang a, he ram hi ding tha leh theiin k siam a ni. Rawtna leh sawipuina ka mamawh lo” tiin a sawi.
Classified document a chenna in lama a kawl chungchangah Biden chuan a staff te mawhpuhin a garage special counsel in classified document a hmuhnaah chuan a staff ten an dah tih a hre lo hrim hrim a ti thung.
Journalist pakhatin American mipui ten i kum upatna an ngaimawh tawh tia a swi chu Biden chuan ring taka chhang letin, “I ngaihdan a ni kha, i ngaihdan a nih kha” a ti bawk a. A hriatrengna a that thu a sawi bawk.
Biden legal team te pawhin special counsel in Biden a hriatrengna tha tawk lo a ti chu an dem thu an sawi bawk a. “He report hian thil thleng pangngai thin hun kal tawha thil thleng ngaih haina te lakah tawngkam duhawm lo tak a hmang a ni” tiin White House lawyer Richard Sauber chuan a sawi a.
Top secret file te hi Biden a chenna Wilmington, Delaware ah hmuh a ni a. A hma pawhin President Donald trump chu classified document enkawl tha lo tia lo puh tawh niin thubuai siamsak in a awm phah tawh a ni.
Hur report chuan Biden leh Trump tena classified document an kawl chuan inanlohna a neih thu sawiin Biden chuan document te chu government archivists hnenah a hlan vek a, Trump erawh chuan a hlan duh lo tiin a sawi.
Memory tha lo a puhna chhang let
