Prime Minister Narendra Modi chuan nimin Pathianni khan thuchhuah siamin ‘Mera Yuva Bharat’ auhla- |halaite tana hmasawnna siamtu tur hrang hlak (A new autonomous body for youth and youth-led development) siam a nih tur thu leh he body hi Sardar Vallabhai Patel piancham October 31 ah tlangzarh a nih tur thu a sawi a ni. He platform hmanga thalai ten ram siam thatna kawnga an pawimawhzia a sawi a, Modi chuan thalaite chu MYBharat.Gov.in ah in register vek turin a chah a ni.
Pathianni khan thla tin-a radio programme a neih thin Mann Ki Baat vawi 106-na hmangin thusawina a nei a, PM chuan Sardar Patel piancham pualin ram pum hmasawnna thar tur puan a nih tur thu a sawi a ni. PM chuan, “MYBharat hian kawng hrang hranga India hmasawnna tur atan thalaite hnenah remchanna a rawn siam dawn a ni. Hei hian India hmasawnna atana thalaite theihna a rawn pawt khawm ang a. Mera Yuva Bharat wbsite MYBharat chu hawn a ni dawn” tiin a sawi a ni. He programme thar hi Union Cabinet-in kar khat liam taa an puan tawh niin sorkar chuan thalai ten thiam thil hmanga thil thar an chin chhuah theihna tur leh kum 15 – 29 inkar ten he programme hi an lo chhawr tangkai zel theih nana ruahman a nih thu an sawi a ni. PM chuan October ni 31 chu Indira Gandhi thih champha a nih thu leh thinlung taka a tawrh thu a sawi tel bawk a ni.
Dewali festival a lo thlen hma hian PM Modi chuan a thusawi te chu ring takin tualchhung mite tan a au a ni. “Kan kutpui pawimawh tak ah hian hun dang zawng zawng ang bawkin tun hun hi kan tualchhung hmasawn nan kan tihtur pawimawh hmasa te kan hlan tur a ni a, kan mumang ram te ti hlawhtling ang u,” tiin a sawi a, India ram chu khawvela manufacture hmunpui lian ber a ni mek a ni, tiin a sawi bawk.
Mera Yuva Bharat – Prime Minister.
