Kum hnih chhung India zalen kum 75-na champha puala lawmna kalpui tawh, Azadi Ka Amrit Mahotsav kharna atana campaign, Meri Maati Mera Desh (Ka leilung, Ka ram) state level program chu chu Zirtawpni khan Mizoram New Secretariat Complex (MINECO) building-I kawtah neih a ni.
He hun hmanpuitu I&PR minister Lalruatkima chuan India zalen champha kum 75-na lawmna atan Azadi ka Amrit Mahotsav(AKAM) kum hnih a kalpui tak hnukharna pualin ‘Ka Leilung, Ka Ram’ tih campaign chu hlawhtling takin Mizoramah kalpui a ni tih a sawi a. Zalenna hlut zia leh zalenna sualtute kan ngaihlut zia sawiin, zalenna sualtute zahnna chibai a buk a. India ram a lo ropui zual zelna atan Mizoram mipui chu theihtawp chhuah turin a sawm a ni.
Chief secretary Dr Renu Sharma chuan Meri Maati Mera Desh hlawhtling taka kalpui a nihnaah official-te leh a thlawptu mipui chungah lawmthu a sawi a. Sawrkar laipui hmalakna tha takin Mizoram chuan a thlawp thin nia sawiin, Har Ghar Tiranga campaign pawh Mizoramah chuan a hlawhtling hle tih a sawi a ni.
Meri Maati, Mera Desh hi August 9 atang khan Mizoramah kalpui tan a ni a. He campaign hi thingtlangah leh khawpui te deuh ah te, block leh district level anga kalpui a ni a. Sports & Youth Services department chu nodal department niin BDO, SDO, bawrhsap, Forest department official leh official dangte nen an thawk ho. Campaign hun chhung hian zalenna sualtute leh ram tana nunna chante zawnchhuah a, heng mite puala program buatsaih a, hriatrengna lungphun bakah thingtiak tam tak phun a ni.
He hun hmanah hian minister-in India hnam puanzar a pawtparh a. Meri Maati, Mera Desh puala thu tiam – Paanch Pran chhiar rual a ni a; state nodal officer Dr Lalrozama’n Paanch Pran chhiar rual hi a kaihruai a ni. Veer (Mi huaisen, pasaltha leh zalenna sualtute) chawimawi an ni a. Category li huanga Veer-te an tel vek theih loh avangin category tin atangin mi pakhat zel thlan an ni.
Meri Maati Mera Desh campaign pualin hmang
