Goal khung leh thian-te thun tur siamsak kawngah a han awl zawk a, World Cup winner Lionel Messi chetfuh loh rualin Inter Miami chuan Argentine an rawih hnua an chak tluang lai an chhunzawm thei lo a ni chawpchilh nghal a! Thawhtanni zanah Messi chuan goal khung chiah lo mah se assist vawihnih a siamchhuah hmangin Miami a chakpui leh ta a, Los Angeles FC lakah 3-1 hnehna an lawm leh thei ta.
BMO Stadium-a Uni-ted States Major League Soccer inkhelah Messi hian assist vawihnih siamchhuakin, mikhual team tan hian Facundo Farias, Jordi Alba leh Leonardo Campana-te’n goal khat diat diat an thawhkhawm a; Los Angeles goal neihchhun hi Ryan Hollingshead-a tihluh a ni.
July ni 22-a Messi debut hmuh tur awm hnuah Inter Miami hian Leagues Cup hawn fel tawhin, game 11 chhung tlawm nei loin an kal tluang ta a; season liamta MLS Cup winners laka an hnehna sual-chhuah leh nen Miami hian khelh kua la awmah point kuin play-offs khelh phakna hmun an la chuangkai pha lo.
Kum 36-a upa ni tawh Messi hian inelna hrang hranga game 11 a khelh tawhah a club thar tan goal 11 thun tling, assist vawinga a siamchhuak tling tawh bawk.
September ni 10 khian Fort Lauderdale-a DRV PNK Stadium-ah Inter Miami return an kirleh dawn a, Sporting Kansas City an hmachhawn ang.
Los Angeles-a Inter Miami inkhel khan Bar-celona leh Paris St-Germain forward hlui avangin milar (Holly-wood A-listers) a hip-khawm leh nual a, Bri-tish lal tupa Prince Harry pawh a tak ngeia Argentine inkhel en turin stadium chhung-ah hmuh tur a awm a; lemchanthiam rualkhat – Leonardo DiCaprio, Will Ferrell, Tom Ho-lland, Toby Maguire, Owen Wilson leh Ge-rard Butler bakah mu-sician hriat hlawh chin – Liam Gallagher, Se-lena Gomez, Tyga, BReal leh Nas-te pawh 22,000-seater stadium khat vek karah hmuh tur an awm bawk.
Messi hoin Inter Miami chak leh
