Football Video Games siamtu lar tak EA Sports FC in video games an siam chhuah thar ber ni tur FC24-a rating-ah player ropui pahnih; Lionel Messi leh Cristiano Ronaldo te an tlahniam duai a. Hei hian Messi leh Ronaldo tantute a tilungni lo hle.
FIFA leh FC games hnuhnung 14-ah vawi 12 ngawt rating sang ber luahtu Lionel Messi hi FC24-ah hian rating 88 pek a ni. Messi hi FIFA 23-ah khan 90 rating pek a ni a. A chungah hian Robert Lewan-dowski, Kylian Mbappe, Karim Benzema leh Kevin De Bruyne te chauh an awm. Messi hi Fifa Games-a rating san lai ber chu 94 a ni.
FC24 in Messi hi 88 rating an pek laiin Cristiano Ronaldo chu 83 rating chauh an pe thung a. Hei hi titi siam tamtu a ni.
Ronaldo hi FIFA 23-ah khan 88 rating pek a ni a. FC24-ah erawh point 5 ngawtin a tlahniam ta duai thung a, Al-Nassr a pan hnuin a rating a hniam leh zual a ni.
Messi leh Ronaldo an thlahniam
