Mizoram Government Drivers’ Association chuan kum 60 a tling a, Nilaini khan an Diamong Jubilee hi Aizawlah an lawm.
Jubilee lawm hmanpuitu Transport minister Vanlalhlana chuan MGDA-in Diamond Jubilee an hmang thei chu a lawmpui tih a sawi a. Driver-te tel loin kalphung tharah pawh sawrkar a kal thei lo tih sawiin, hmasawnna kalzelah lirthei khalhtute chu an thiamna tipung zel tur leh an hriselna ngaipawimawh turin a chah.
“In hna hian kan rama thuthlukna siam thin official-te thlengin a huam vek avang leh nunna hlu tak chu in kuta innghat a nihna chen a awm avangin, fimkhur taka in mit leh beng bakah in kut leh ke hmangin, in nun uluk ang che u,” a ti. Driver-te harsatna, kawng chhia pawh theihtawp chhuaha sawrkarin thuamthat zel a tum thu a sawi a ni.
MGDA hi 1964 September 4-a din niin, general headquarters hnuaiah sub hqrs 10 an awm a. Tunah hian member 1000 chuang hret an awm.
MGDA-in kum 60 a tling
