MGNREGA sum pek thuai tiam
Sawrkar laipuia Ministry of Rural Development hotute chuan Mizoram hnenah MGNREGA (ni 100 inhlawh) atan sum pek thuai an tum tih an sawi.
Rural Development & Administration minister Prof Lalnilawma chuan Ningani khan minister of state for Rural Development Kamlesh Paswan leh Ministry of Rural Development secretary Shailesh Kumar Singh hmu in, MGNREGA a mipui inhlawhna leh MGNREGA staff-te hlawh bakah material component chungchang a sawipui.
Ministry of RD hotute hian MGNREGA hnuaia tehna hrang hrangah Mizoram chu state titha ber pawl a nih avangin mipui inhlawhna leh material component bakah thawktu hlawh tur administrative cost chu a rang thei ang bera fund pek a nih tur thu an lo hrilh.
PMAY-G chungchangah state sawrkarin a mamawh ang zela thawktu rawihnan administrative cost zaa 2 piahlam thlenga hman phalsak an ni tih an lo hrilh bawk a. State sawrkar chu rawtna siam thuai turin an lo hrilh.
Ministry of RD hotute leh minister inkawmnaah hian PMAY-G Regional Conference pawh kumin kumtawpa Mizorama neih theih dan kawng sawiho a ni.
MGNREGA sum pek thuai tiam
