Rural Development Minister Giriraj Singh chuan Lok Sabha a ziaka zawhna a chhannaah Mahatma Gandhi National Rural Employment Guarantee Scheme (MGNREGS) atangin financial year 2022-23 chhunga paih punna a kum hmasa 2021-22 atangin 247% lawih a nih thu a sawi.
He zawhna hi Congress member pahnih Gaurav Gogoi leh V.K. Sreekandan tena an zawh niin kum 2021-22 nena khaihinin kum 2022-23 ah MGNREGS atanga paih 244.3% a tling em tih chu an zawhna a ni.
Ministry chuan chhanna a siamah heng paih te hi ‘regular exercise’ tia sawiin State sorkar te tih a ni tiin a sawi bawk a. MGNREGS atanga paih an nihna chhan a tarlanaah – job card lem, duplicate job card, hnathawk duh lo, chhungkua gram panchayat atanga pemchhuak leh job card a mi pakhat chauh awm te leh thi tawh te vang tiin a tarlang.
Rural Development Ministry in statistics an neihah chuan job card atanga workers te paih an nihna chhan a sawiah- job card dik lo, applicant lem, duplicate applicant, chuhngkua insawn, chhungkaw danga bet tawh, job card a pakhat chauh awm leh hnathawk duh lo, thi tawh, panchayat leh village te urban a nih tak vang tihte a tel a ni.
The Hindu chanchinbu chuan MGNREGS atanga paih an tamna chhan hi MGNREGS leh Aadhaar card thlunzawm tihmakmawha kalpui vang leh wage payment te Aadhaar-Based Payments System (ABPS) hman vang a ti thung a.
Kumin chhung ringawt hian June 23 thleng khan worker 61 lakh te chu paihin an awm tawh a. Ministry chuan a tum li nan August thla thlengin ABPS nena job card thlunzawmna hun a pawtsei a ti bawk a.
Thupek hmasa ber chu January 20 khan tihchuah niin February 1 thleng tih a ni a, a hnuah March 31 thleng pawhsei a ni a, chutah June 30 thleng pawhsei leh a ni zui a ni. Singh chuan zawhna a chhannaah he programme enfel hi State sorkar tihtur tiin a sawi bawk.
State leh UT 34 zingah financial year 2021-22 leh 2022-23 inkar chhunga MGNREGS atanga job card paih nasatna ber chu West bengal a ni a, 5,199% lawih paihin an awm a ni. Centre chuan STate te MGNREGS programme guidelines a siam zawm lo te chu payment a pe duh lo thak nghal bawk a. Paih tamna ber pahnihna chu Telngana (2727%) leh Andra Pradesh (1147%) te an ni a. Uttar Pradesh-ah 466% leh Uttarakhand ah 427% te a tam zual an ni bawk.
MGNREGS atanga paih tam
