MHIP-in hnamdang pasal nei
lo tura tu leh fate zirtir tum
MHIP Sub-Hqrs. Serchhip chuan Mizo hmeichhiaten hnamdang mi pasal an neih lohna turin an tu leh fate zirtir uar an tum.
Mizo Hmeichhe Insuihkhawm Pawl Sub-Hqrs. Serchhip hian Zirtawpni khan New Serchhip-ah conference vawi 13-na an hmang a. Serchhip Town Branch bakah Sub-Hqrs. hnuaia Block pathum – E. Lungdar, Tawitlang leh Ramlai atangin palai an tel.
Sub-Hqrs. in hma a lakna zingah – Kan hnam chimrala a awm lohnan pianpun inzirtir, puipunnaah hmeichhiaten puan bih uar tura inzirtir, tih a tel a ni. An huamchhunga chawimawi phu, ram pum huap inelna hrang hranga hlawhtlinna chang leh mi hmingtha chawimawi phute hnenah chawimawina thuziak hlan an ni tih sawi a ni bawk.
An rorel thu pass pawimawh zingah – Mizo thuam (puan) bih chu function pawimawhah uar lehzuala bih tura inzirtir thar; kan in leh a velah hmeichhia in kan taksa lang tam lo thei ang ber thawmhnaw inbel thin tura inzirtir uar; Mizo hmeichhiaten hnamdang mi pasal nei lo tura kan tu leh fate inzirtir uar, tih a tel a ni.
MHIP-in hnamdang pasal nei lo tura tu leh fate zirtir tum
