Mi interview rei record siam
Nigerian social media entrepreneur Clara Chizoba Kronborg chuan chhum lo chat lovin darkar 55 leh second 24 chhung mi chi hrang hrang a interview char char a, interviewing marathon rei thei record a siam. A hmaa hetiang record chu USA-a cheng Rob Oliver-a’n 2022-a a siam niin, ani hian darkar 37 leh minute 44 chhungin mi a interview ve thung.
Clara hian YouTube-ah talk show a host a, darkar 55 chhung hian mi chi hrang hrang 90 a interview hman a, ram hrang hrang mi, eizawnna chi hrang hrang, politician, sumdawng, content creator, actor, real estate agent thlengin, an kim hle a ni. A interview-te hi anmahni kalna lam \heuha an hlawhtlin dan te a sawipui tlangpui a ni.
Clara hian record siamna hmun atan Spanish khawpui pakhata a chenna Marbella-a lawng chawlhna a nuamtawlna lawng lian ding lai chu hmangin, he lawng chhungah hian interview hi a kalpui a ni.
Record siam tuma an beih lai hian nidang zawnga khaw\ha em em si kha ruahpui vanawnin a tibuai viau mai a, chubakah Clara chuan a \awng nasat avangin a aw a changin, a dang a ro a, chu chuan a tibuai ve lek lek \hin niin a sawi bawk.
Guinness inkaihhruainaah chuan record siam tura mi a interview lai hian darkar khat interview a neih zawhah minute 5 zel chawlh a nei a, a chawlh neih hi a khawl thei bawk a, he a chawlh neih chhung chiah hian ei leh in, zun ram thiar leh thawmhnaw inthlak te a ti tei a ni. A \awng nasa a, tui a inhnem a, a zun a chhuak ngun ta a, chu chuan a tibuai ta deuh a, darkar khat zawhah minute 5 zel chauh chawlh a neih avangin zun zunga kal sek a theih loh a, a chawlh neih khawl a ngai bawk si a, zun chhuak avanga a buai zel loh nan record siam tuma a beih chhung hian diaper a hreng ta hmiah mai a ni!
Mi interview rei record siam
