Mizoram budget thar siam turah department tinte leh budget buatsaihtute chu mipui nawlpui hriatthiam theih zawng, a mawlmang thei ang bera pharh theiha siam tum turin chief minister Lalduhoma’n a chah.
Ningania Assembly Session-a larsap thusawi sawihonaah, larsap-in budget chu ‘common man’ te hriatthiam theih turin a ‘simple’ tur a ni tia a sawi chu a pawimawh hle, tiin, kum 5 MLA term hmanral hnuah pawh budget kalhmang hriat kim tak tak a har a, a ‘complicate’ lutuk tih a sawi.
Sawrkar a nih avanga a complicate hi ka hrethiam loa, a loh theih loh te a lo nih chuan tih ngaihna a awm loa, a theih hram chuan a simple thei ang berin budget hi mipui hriatthiam turin department tinin buatsaih thei se kan duh a. Central scheme tha tak tak, state maching share 10% kan neih loh avanga kan chan thin hi, department tinin a awm loh theih tawhna turin heng provision hi ngaipawimawh turin kan duh. A bikin, central sector scheme 100% funding ang chi nei department chuan helam hi hawi na hle se kan duh.
Mi nawlpui hriatthiam theih budget siam tum turin chah
