Adult Education Wing, Directorate of School Education hnuaia Model Centre for Critical Life Skill and Occupational Skill Development Programme – Salem Veng, Ramhlun Vengthar leh Chawnpui Veng Aizawl chu Zirtawpni khan khar a ni.
A kharna hun hmanpuitu School Education seretetary Lalzarmawii programme hlu leh tha tak, mi tam takin eizawnna an nei thei dawn ta chu lawmawm a tih thu a sawi a. A rem a nih chuan he programme hi kalpui zel tum a ni, tiin, Model Centre For Critical Life Skill and Occupational Development Programme-in a tum ber chu ziak leh chhiar thiamlo thiamtir a, an thiamna thlah tawh loa vawn dan tur leh learning environment siamsak a, khawvel hmasawnna inher danglam ang zela an nitin nuna harsatna thleng thin hmachhawna inhaichhuak thei tur leh an skill haichhuah saka tihhmasawn leh eizawnna ngelnghet nei thei tura training pek a ni tih a sawi a ni.
He programme hi 2021- 2022 sawrkar kum atanga bul tan niin, job role hrang hrang 11 kalpui a ni.
Mi puitlinga insiamna proramme Aizawla centre thumah an hmang
