Mi sang li chuangin Maharashtra inthlan chuh dawn
Maharashtra inthlan chuh turin inhnuhdawh ni a tawp a, seat 288 awm chu mi 4140 in an chuh dawn.
Maharashtra hian November ni 20 ah vote thlakin, heng vote tlate hi November ni 23 ah chhiar a ni dawn a, inhnuhdawh hun hnuhnung ber hi thawhtanni khan tawpin, mi 4140 in inthlan an hmachhawn tlang dawn a ni.
State chief electoral official thuchhuahin a tarlan danin, seat 288 awmah nomination paper dik tak thehlut hi 7078 awmin, heng zingah hian candidate 2938 chuan an nomination hi hnukkirin, an inhnukdawk zui a. Mi 4140 te hian inthlan an hmachhawn zui dawn ta a ni.
Kum 2019 assembly inthlan khan candidate 3239 awmin, inthlan hmasa aiin tun tuma chuh turte hi zaa 28 in a pung niin offical te chuan an sawi bawk.
Nandurbar-a Shahada seat-ah candidate pathum chauh awmin, inchuh an tlemna ber a ni a; Beed-a Majalgaon-in candidate 34 neiin inchuh an tam berna a ni thung. Mumbai-ah seat 36 awmin, hetah hian candidate 420 in an inchuh dawn a, Pune district-ah seat 21 awmin, candidate 303 an awm bawk tih inthlan buaipuitute chuan an sawi bawk a ni.
Mi sang li chuangin Maharashtra inthlan chuh dawn
