Site icon The Aizawl Post

Miami Open-ah Rybakina kal zel

Miami Open-ah Rybakina kal zel
Wimbledon champion Elena Rybakina chuan US Open inbuatsaihna lamah a chetthat chhunzawm zelin, Elise Mertens laka straight sets hnehna nen Miami Open quarter-final a lut a, Italy nula Martina Trevisan nen semi-final luh an inchuh ang.
Kazakh 10th seed Rybakina hian a Belgian tumpui Mertens lakah 6-4 6-3 hnehna nuamsa pangngai changin, ti hian, matxch 11 chhung a chak zawn tling ta a, March thla tir lama Indian Wells title la tawh a nih avangin Miami-ah hian a champion leh thei a nih ngai chuan America khawpui pahnih ni sensa rumrut hnuaia champion zawn theite nihna an sawi thin ‘Sunshine Double’ an tih chu a hlawhchhuak thei ang a, he title hi chan mai mai harsa tak a ni ve.
Rybakina hmachhawn tura chak 25th seed Trevisan tan tun hi WTA 1000 quarter-final a khelh vawikhatna tur niin, last eight thleng tur hian French Open champion hlui Latvian 24th seed Jelena Ostapenko lakah 6-3 6-3 hnehna a chang.
Inkhel dangah nikum Miami semi-finalist American world number three Jessica Pegula chuan Poland nula Magda Linette laka 6-1 7-5 hnehna changin quarter-final lamah Russian Anastasia Potapova a hmachhawn ve thei bawk. Potapova hian 6-4 7-6(4)-in Chinaese Qinwen Zheng a hneh.
Mipa singles lamah Stefanos Tsitsipas pawhin last 16 lutin, he hmun thleng tur hian Chilean qualifier Cristian Garin chu 6-3 4-6 6-4-in a hneh a, tun hi Miami khaw court a rah vawikhatna chiah a la ni nghe nghe.
Greek second seed Tsitsipas hian first-round bye hmuin, a second-round tumpui tur Richard Gasquet lah chu hliam avangin a inhnukdawk leh ta zel a; round of 16 lama a tum leh tur Russian 14th seed Karen Khachanov chuan 6-2 6-4-in Czech Jiri Lehecka a hneh ve bawk.
Kum 2022 Miami semi-finalist Argen-tinan Francisco Cerundolo pawhin Canadian world number six Felix Auger-Aliassime lakah 6-2 7-5 hnehna a chang.

Exit mobile version