Michael Jackson ‘Thriller’ video-in 1B view kai

Michael Jackson ‘Thriller’ video-in 1B view kai

Michael Jackson hla, khawvelin a ngaihhlut ‘Triller’ music video chuan YouTube-ah vawi tluklehdingawn en a hlawh ve ta a, a music video YouTube-a hetiang zat en hlawh thei palina a ni.
Thriller music video hi 1983-ah tihchhuah kha niin, hetiang hunlai hian social media te kan la hmelhriat lova, tunlai angin YouTube pawh hriattur a la awm lo a, mi nawlpuiin duh thala internet hman tur pawh kan la neih hma a ni. Hetiang a nih avang hian tunhma lam hla lar tak tak music video te hi YouTube-a billion views a tam lo riau a ni.
Michael Jackson hla dang ‘Beat It,’ ‘Billie Jean’ leh ‘They Don’t Care About Us’ te chu YouTube billion views club-ah an lo tel tawh. ‘Thriller’ music video hi zombie te nena an lam rual thup thupna, music video hrâng zet mai kha a ni a, US-ah National Film Registry of the Library of Congress an seng lut tawh a, music video zinga hetiang chawimawina dawng thei hmasa ber a ni.
An tlangzarh hlimah a hla hi Billboard Hot 100 (singles) chart-ah No.4 a kai a, 2009-a Michael Jackson a thih khan a rawn lar thar lehin chart No.2 te a kai tha leh a ni. He music video hi Halloween-themed hit zinga download nasat ber a ni bawk.

Comments (0)
Add Comment