A zirlaipui hmeichhia tui tla a chhanna lama a nunna chan Lalbiakthara (15) s/o Lalbiakmawia, Class – 8, Govt Middle School Biate chu an chhuangin an hrereng dawn tih Biate Welfare Society chuan an sawi.
Biate Welfare Society Aizawl chuan, kumin May 14-a Biate Tuipuia thiante tui tla chhannaa nunna hlantu Lalbiakthara thih dan an lo hriatin, pawi an tiin hrehawm an ti tih sawiin, ‘Mahni nun thap a, midang nunna chhanna atan a chet dan hi a huaisenthlak kan tiin, thian chhan thih ngama a chetna hi kan chhuang takzet a. A chhungte sawi danin, Lalbiakthara hi tui hlau mi a ni a, heti chunga hmeichhe mangang tanpui ngai tanpuia a nun a hlan hi kan ngaihlu hle a, kan hrereng tawh dawn a ni,’ a ti.
Biate Welfare Society chuan, huaisen taka midangte tana nunna hlantu Lalbiakthara hi a rang thei angin an chenna inah ral an tum tih an sawi a. Amah lainattute chungah lawmthu an sawi a. A kalsan tak a chhungte, an zirtirtute leh a zirlaipuite an lainat a, Pathian thlamuanna an dilsak tih an sawi.
Midang tana a nunna hlan an khaw rawlthar chhuang
