Mizoram Food Processing Industries Corporation Ltd (MIFCO) Chhingchhipah lakhuihthei tui sawr bul tan thar leh a ni.
MIFCO Chhingchhip hian Sialhawk-a lakhuihthei chingtute atangin lakhuihthei hi leiin, khawl hmangin an sawr a, lakhuihthei tui hi vawnthat a nih hnuah state chhunga entrepreneur-te hnenah leh phai lamah man man zawkin an pe chhawng leh dawn a ni.
Kumin June atang khan MIFCO Chhingchhip-ah hian sapthei sawr bul an lo tan thar tawh bawk a. Hei bakah hian Baibing leh Rawtuai tin siam tum a ni tih thawktute chuan an sawi.
MIFCO chairman Lalthazuala Rawite chuan MIFCO-in chak taka hma an lak chhunzawm leh theihnana hma lak puitute leh a bikin Planning department atanga theihtawp chhuah puitu chief minister Lalduhoma chungah lawmthu a sawi a. MIFCO Chhingchhip chu ‘Food Park’ a nih ang ngeia hman tumin an inbuatsaih mek tih a sawi bawk.
MIFCO-in lakhuihthei sawr tan
