Mizorama Youth Commission chairman-in Japan Foundation atanga lo kalte a kawmnaah, Japan rama Mizo thalai hnathawk tura kal thei an tam thu sawiin, Mizo thalaite a tam thei ang ber Japan rama hnathawk tura pui turin a ngen a. Japan Foundation atanga lo kalte pawhin Mizo thalaite tanpui tura an inpeih thu an sawi a. Japanese tawng leh culture zirna din dan tur plan mumal tak siam dun a, theihtawpa hma laho turin thawh dun an remti a. He hmalakna tur hi financial year thar atan duan nise an ti bawk a ni.
JICA leh Mizoram hian tunhma atang tawhin thawhdunna hrang hrang an lo nei tawh a. JICA Sustainable Farming System(JIFAS) hnuaiah Agriculture leh allied service sector-ah hmalak a ni a; technical cooperation project pawh kuthnathawktuten an hlawkpui hle dawn nia sawi a lo ni tawh bawk.
Mizoram hian tangkai taka ram leilung hman tangkai theih a nei tha hle chung leh, a hmang tangkai thei tur thawktu mihring chhawrtlak thahnem tak a nei chung hian, eng ruai hi kan thawk kaw thei lo a ni ber a. Khawvel ram hmasawn leh changkang Japan technology mamawh niin kan inhria a, eng eng emawah thawhdunna neiin kan ram leilung ngeiah Japan mithiamten an thiamna chhawr tangkai theih turin an rawn thawhchhuahpui mek a. Tun thleng hian JICA nena thawhdunna hnuaiah eng ang chiahin nge Mizoram hian hmasawnna thar leh danglamna a puakchhuah tawh tih hi sawi tur a la awm mumal lo niin a lang.
Hetih lai hian, Mizo thalai lehkhathiam rual, hnathawh tur nei lo an vei suau suau a, chutih rualin ram dangah hna thawk thei tur angin kan cheibawl leh hlauh a. Ram danga mihring (human resource) thawnchhuahna tur kan zawn nasat ang tho hian, human resource tha tak kan neih mekte kan ram chhung ngeiah hian chhawr tangkai theihna tur hi zawng nasa ve ila chuan, mihring thawnchhuahna tur zawn vak vak hi a ngai lo thei mai awm e.
Kan ram leilung chhungril thuk taka mineral laihchhuah tum aiin, leilung pawnlang feet hnih vela chhah atanga hlawkna haichhuah tur zawn hi a awlsam zawkin kan hlawkpui zawk tur niin a lang a, human resource development lam hi kan uar a pawimawh a ni e.
Mihring thawn chhuah…
